interactive GDPR 2016/0679 MT
BG CS DA DE EL EN ES ET FI FR GA HR HU IT LV LT MT NL PL PT RO SK SL SV print pdf
- personali 8
- ir-regolament 6
- data 6
- il-kapitolu 5
- espressjoni 5
- għal 4
- tad-data 4
- skont 4
- membri 3
- minn 3
- għandhom 3
- tal-unjoni 3
- informazzjoni 3
- dwar 3
- applikazzjoni 3
- dan 3
- għall-ipproċessar 3
- għall-protezzjoni 2
- inkluż 2
- għandu 2
- ġurnalistiċi 2
- jkun 2
- artikolu 2
- finijiet 2
- pproċessar 2
- letterarja 2
- għall-ipproċessar 2
- akkademika 2
- kriminali 2
- artistika 2
- tal-liġi 2
- parti 2
- sistema 2
- awtomatizzati 2
- mezzi 2
- japplika 2
- emenda 2
- arkivjar 2
- tifforma 2
- taħt 2
- attività 2
- mingħajr 2
- il-kamp 2
- l-istati 1
- jipprevedu 1
- eżenzjonijiet 1
- id-direttiva 1
- mill-kapitolu 1
- ipproċessar 1
- derogi 1
Artikolu 2
Kamp ta' applikazzjoni materjali
1. Dan ir-Regolament japplika għall-ipproċessar ta' data personali kompletament jew parzjalment b'mezzi awtomatizzati, u għall-ipproċessar għajr b'mezzi awtomatizzati ta' data personali li tifforma parti minn sistema ta' arkivjar jew li tkun maħsuba sabiex tifforma parti minn sistema ta' arkivjar.
2. Dan ir-Regolament ma japplikax għall-ipproċessar ta' data personali:
| (a) | matul attività li ma taqax taħt il-kamp ta' applikazzjoni tal-liġi tal-Unjoni; |
| (b) | mill-Istati Membri meta jkunu qegħdin iwettqu attivitajiet li jaqgħu taħt il-kamp ta' applikazzjoni tal-Kapitolu 2 tat-Titolu V tat-TUE; |
| (c) | minn persuna fiżika waqt attività purament personali jew fid-dar; |
| (d) | mill-awtoritajiet kompetenti għall-finijiet tal-prevenzjoni, investigazzjoni, sejbien jew prosekuzzjoni ta' reati kriminali, jew l-eżekuzzjoni ta' pieni kriminali, inkluż is-salvagwardji kontra u l-prevenzjoni ta' theddid għas-sigurtà pubblika. |
3. għall-ipproċessar ta' data personali mill-istituzzjonijiet, korpi, uffiċċji u aġenziji tal-Unjoni, japplika r-Regolament (KE) Nru 45/2001. Ir-Regolament (KE) Nru 45/2001 u atti legali oħrajn tal-Unjoni applikabbli għal tali pproċessar tad-data personali għandhom jiġu adattati għall-prinċipji u r-regoli ta' dan ir-Regolament skont l-Artikolu 98.
4. Dan ir-Regolament għandu jkun mingħajr preġudizzju għall-applikazzjoni tad-Direttiva 2000/31/KE, b'mod partikolari tar-regoli dwar ir-responsabbiltà ta' fornituri ta' servizzi intermedjarji fl-Artikoli 12 sa 15 ta' dik id-Direttiva.
Artikolu 85
Ipproċessar u libertà ta' espressjoni u ta' informazzjoni
1. L-Istati Membri għandhom jirrikonċiljaw skont il-liġi d-dritt għall-protezzjoni ta' data personali skont dan ir-Regolament mad-dritt għal-libertà ta' espressjoni u ta' informazzjoni, inkluż l-ipproċessar għal finijiet ġurnalistiċi u l-finijiet ta' espressjoni akkademika, artistika jew letterarja.
2. għall-ipproċessar li jsir għal finijiet ġurnalistiċi jew għall-fini ta' espressjoni akkademika artistika jew dik letterarja, l-Istati Membri għandhom jipprevedu eżenzjonijiet jew derogi mill-Kapitolu II (prinċipji), il-Kapitolu III (drittijiet tas-suġġett tad-data), il-Kapitolu IV (kontrollur u proċessur), il-Kapitolu V (trasferiment tad-data personali lil pajjiżi terzi jew organizzazzjonijiet internazzjonali), il-Kapitolu VI (awtoritajiet superviżorji indipendenti), il-Kapitolu VII (kooperazzjoni u konsistenza) u l-Kapitolu IX (sitwazzjonijiet speċifiċi ta' pproċessar tad-data) jekk dawn jinħtieġu għal rikonċiljazzjoni tad-dritt għall-protezzjoni ta' data personali mal-libertà ta' espressjoni u ta' informazzjoni.
3. Kull Stat Membru għandu jinnotifika lill-Kummissjoni dwar id-dispożizzjonijiet tal-liġi tiegħu li jkun adotta skont il-paragrafu 2 u, mingħajr dewmien, dwar kwalunkwe liġi ta' emenda jew emenda sussegwenti li taffettwahom.
whereas
dal 2004 diritto e informatica